祥仔辣辣 (海運大廈) (已結業)

晚市時段訂左位先唔駛等，好多人等緊入去，裡面裝修好中式，暗暗地又帶點氣氛，個陣食做緊the food story會員有二人套餐優惠價，即場download註冊都得，仲有兩張$100coupon for主餐牌野食。我地揀左二人套餐加幾樣主餐牌野食，包括木耳同海螯做前菜，小菜就咕嚕肉、一字骨、炸雞粒、四川涼粉、主食就酸菜魚同炒飯、最後甜品包左湯圓合桃露、飲品叫左牛油果沙冰同檸檬薏米沙冰。首先前菜都已經辣辣地，但係好食既而且唔係得幾舊，四川涼粉就真係好辣，叫左小辣都要撈炒飯食先得…可能因為得涼粉索晒啲辣汁，可以唔駛試。咕嚕肉外脆內軟，整得幾出色，而且酸酸甜甜送飯一流，炸雞粒就無咩特別，相信台式做得比較好，但一字骨炸得有驚喜，食落好香脆又入味，好好食！最後酸菜魚都係唔錯既，入面配料都幾多，而且份量算大，魚食落係無骨又新鮮既，而且佢酸味較重，唔會話好辣，整得幾好。合桃露發揮正常既，飲品就本身驚伏，但最後出乎預期地好飲，牛油果沙冰試過好幾間都係得水唔好飲，但呢到係算重牛油果味，而檸檬薏米沙冰真係第一次聽，但飲落好正，好解渴。整體來講質素唔錯，加上做左會員有discount所以算抵食。