NUTTEA (葵涌廣場) (已結業)

去葵廣食完小食想買杯飲品,經過見到Nuttea主打堅果奶蓋,適合素食同對奶類敏感嘅人士,感覺無平時奶蓋咁膩,所以同朋友叫左2杯試下。伯爵朱古力堅果奶蓋茶 ($48)每日限定100杯, 金獎推薦,梗係要試下, 先用匙羹食面嗰層堅果奶蓋,奶蓋口感好滑,好綿密,朱古力味都幾濃,伯爵茶都幾香,食淨少少奶蓋撈埋伯爵茶一齊飲都幾好味,呢個必試!青提堅果奶蓋茶 ($45)店員提醒呢杯要用粗飲管飲,因為有粒粒嘅提子肉,飲落每啖都有提子肉,好清爽,本身提子都甜,所以少甜剛剛好。奶蓋同樣都好滑, 面頭有粒粒堅果碎,增加口感,唔錯!