麵賜園

營業中

休息中

之前同同事叫過外賣返公司食，覺得味道都吾錯，見到佢地以麵食做招來，所以就係平安夜，同屋企人去試下堂食。一去到全場爆滿，等左一陣先有位，但入面裝修好靚，又有播下歌，坐得都幾舒服。舖位入面仲有吾同嘅打卡位，所以等食物時，我吾會悶。坐低一睇個餐牌，見到有好多野都好吸引，見節日氣氛濃厚，所以今次我最後都無叫到麵，反而叫左其他野同特飲。講起特飲，真係吾試吾知，我一向吾飲咖啡，所以平時去餐廳都少左選，但今次吾同，我叫左杯柯華田特飲（咩大帽山棉田？吾記得左個名），賣相超靚，大人細路都啱飲。屋企人仲叫左杯叫愛明楨咖啡，一樣可以打卡，我飲左幾啖，發現黑朱古力同佢地咖啡好夾，好好味。以佢地呢個價錢，飲到呢兩個特別，真係超值。食物方面，樣樣都吾錯，份量又好合適，四個人食都可以試到多款食物，而又吾會覺得吾夠分。今次體驗非常好，下次再去試下其他美食同特飲，希望佢地繼續努力，研發更多美食。