小曼谷泰國美食站

營業中

休息中

Family Dinner 今次選擇左呢間位於銅鑼灣走型格路線既泰國餐廳。一到門口就俾架懷舊火車吸引到，入到裡面仲有個迷你夾band位，不過今晚無表演睇。望到廚師應該係泰國人，所以食物係夠正宗。冬蔭公湯 $158呢個湯必點！味道真係好好味，仲好辣！唔怕辣就襯熱飲好正，如果好似我怕辣就攤涼少少先飲，都一樣好好味架。裡面有兩大隻虎蝦，蝦肉彈牙。個湯有火一直熱住。泰式馬拉盞通菜 $108通菜煮得好好味，雖然要過百蚊，但我覺得值，而且下次幫襯會再點呢個食。泰式豬手飯 $108豬手肉質嫩滑，點埋個泰式甜辣醬好好味。青咖哩海鮮 $128有得選少辣，不過我覺得個辣度都唔少，海鮮有大大隻青口，魷魚爽口，仲有蝦。鮮蝦泰國金柚沙律 $128金柚甜，有花生粒，蝦彈牙。極上安格斯牛柳粒串 $56有4大粒牛，每粒都用燒熟左既大車厘茄隔住，我覺得一牛柳粒同車厘茄一齊食幾好味。雞軟骨串燒 $46有2串，每串有4粒，香口。蒜蓉包 $524大塊，脆卜卜，一人一塊好開心。