Good Times Restaurant And Bar (已結業)

【🏖暑假好去處 - 北區型格新餐廳🍽】✨今次呢間都係位於粉嶺，當日同老公、金寶湯本來想去懷舊餐廳「雅x餐廳」，行到半路瞥見有間好型格嘅餐廳，諗都唔諗即刻入咗去😂 ( 其實主要原因係個陣落緊雨☔，我哋又唔識路，所以事但搵間坐低就算)。呢間餐廳雖然只係開咗3星期度，但入面完全冇甲醛等等裝修味，周圍都係打卡位📍，而且座位都好寬敞，非常舒適。餐廳名叫「Good Times」，入到嚟就會睇到唔同年代嘅擺設📺📻，明星相📷等，由此可得知老闆眼中嘅「Good Times」係屬於咩時代。而我哋嘅「Good Times」當然就係喺呢間餐廳享受美食嘅時光啦🥂！我哋分別點咗豬鞍架配芥茉籽汁配薯蓉。豬鞍架好少可煎得好食，我同老公都一致認為呢間嘅豬鞍架無得頂💯！老公仲話好彩係叫豬鞍架唔係叫牛扒，否則就錯過呢個美食啦🤣另外一款係黑松露牛肝菌意大利飯配海鱸魚。條魚🐟比平時食開嘅足足厚咗一倍！飯就淡味咗少少，不過我好鍾意呀，因為好啱金寶湯食呀！不得不提佢哋提供咗ikea high chair同埋精美嘅 #Lego 兒童餐具🍴、阿仔見到Lego餐具即刻心心眼😍，仲話要學我哋要同刀切豬鞍食呢！埋單時我都忍唔住問侍應幾時會出