Baan Phadthai (已結業)

將軍澳東港城開左間泰國🇹🇭過江龍的連續5年米芝蓮推介餐廳，梗係帶家姐同姨甥們try try🤤。聽店員講，無骨海南雞飯、燒豬頸肉、金邊粉都係主打。講到咁梗係試晒去啦！😜 ⦁無骨海南雞飯 $88海南雞肉質嫩滑，雞味香濃。醬料中的姜蓉，磨得超級細滑，食落口唔會起渣。油飯唔會太過油膩，配埋雞肉同埋醬汁一齊食就剛剛好。 ⦁生拆蟹肉炒金邊粉 $138泰國直運的金邊粉配上雪白的蟹肉，金黃的雞蛋，一上枱就十分之吸睛。金邊粉口感煙韌夠乾身唔會一pat pat，而且花生碎辣椒乾全部分可以自由配搭，配合個人口味。 ⦁燒豬頸肉 $68豬頸肉肉質嫩口，燒完都唔會太乾身，配埋酸酸甜甜既汁，超惹味！ ⦁青木瓜鹹蛋沙律 $88花生香脆，比坊間無咁大陣魚露味，但相比之下更加清新。 ⦁椰奶雪糕班蘭葉糯米飯 $58雪糕椰奶味香濃唔會太甜。配埋花生綠豆糯米椰漿，多重口感，值得一試。