素來素往 (已結業)

家人話想食下素自助餐，諗起在大角咀的素來素往，此店食過好幾次，質素有保證。是晚來到發覺全場爆滿，雖然見到有吉枱，但原來都係預約左嘅，老闆娘話得返門口bar枱位，ok啦，$128位咁抵，唔計較坐邊，而且我覺得bar枱出入拎野仲方便😋中間長枱放食物，種類幾多，沙律、炸物、素湯、素菜、炒粉麵飯到甜品都有。食客好客氣無人搶食，而且食物refill得快，想食嘅款式一定食到😋先食下炸物同炒菜，個蔬菜餅煎得好好味，香口又足料有口感。炒雜菇、涼瓜煎蛋、賽旁蟹同煎讓三寶都好正。是晚素湯係節瓜粟米湯，入口清甜，勁好味飲左幾碗。素薄餅都係必食之選，香脆多芝士，但呢個真係一出就攞晒，大概十五分鐘出一次，總會食到的🤭甜品有糕點、糖水、豆腐花等，個南瓜焗布甸勁正，南瓜香甜加入西米增加口感，賣相不佳但真係好好味😆家人話食物好好食，呢個價錢簡直平到感動，會叫埋親朋戚友黎食😘