無極冰廳 (樂居樓)

營業中

休息中

而家好多餐廳都唔開，又冇得wfh，我都係想食個飯啫，好彩仲比我搵到呢間坐得舒服，食品款食又多嘅冰室。好，坐低睇吓有咩好食先。麻辣雞絲撈手工麵，碗麵舖滿雞絲，份量都多，個辣醬非常麻辣，因為辣醬都多，最好試少少先，唔好一次過撈晒。麵質都爽口，唔錯！名古屋牛肉炒稻庭烏冬，大大塊牛肉食落都軟熟唔韌，烏冬炒得幾好夠乾身，雖然個名好日本feel，依然做到港式味道。滷水雞翼醃得入味，食落肉質有咬口。精選午餐仲送湯或者飲品，叫左凍檸水同，凍奶茶。