芭堤雅泰國餐館

營業中

休息中

中午時間於元朗午餐，路過一間外表吸引嘅泰國餐廳，咁就入去食個午餐，內裏裝修得比較清新，坐落都好舒服！手機點餐方便快捷，就簡單地點了一個煎蛋肉碎飯，加杯凍嘅咸柑桔，午餐嚟仲有湯同埋小菜伴碟；63蚊包埋凍飲，真係好抵食！服務員招呼亦都十分周到；煎蛋就係我最鍾意嘅半生熟蛋，蛋黃汁液融入肉碎之中，再加埋白飯，十分滋味！而送嘅湯仲有一嚿豬肉，食落亦都頗為新鮮甜美；湯就比較清淡一點，配菜中嘅青瓜剛好中和肉碎嘅油膩，添加一分清新感覺！凍嘅咸柑桔有青檸加上咸柑桔嘅鹹味，飲落消暑解渴！總體來說一個好有性價比嘅午餐！