影片
更多
2017-11-22
63 瀏覽
呢一餐食咗兩款同為蝦嘅餸菜。先來龍蝦汁蝦球伊麵，蝦球尚算大粒，爽脆唔霉，龍蝦汁帶甜無苦味，但係就唔太夠汁撈伊麵！伊麵就向來都好食，煮得都啱啱好唔會煮爛晒。然後叫咗個酥金寶，意指將龍蝦汁放入法包，然後鋪上酥皮，附上烏冬蝦球點汁食。今次嘅蝦球稍稍炸過嚟，所以已經調咗味，帶有咸香；龍蝦汁入面有瑤柱同鮑魚絲，汁嘅份量啱啱好，撈晒烏冬同法包就一滴不漏，唔會食到污糟邋遢。我個人鍾意用法包同酥皮點龍蝦汁嚟食多啲！酥皮焗到好金黃，唔會好厚又唔會粉，法包都好鬆軟，所以點龍蝦汁可以索晒啲汁！不過呢個餐要等二十分鐘，所以建議同朋友share嚟食會開心啲，唔駛你食完我都未有得食。最令我surprised嘅係個飲品，初時以為呢啲新式茶餐廳搞gimmick嘢多，飲品就得個睇字，但係個奶茶紅豆冰好出色，茶味好濃，紅豆粒粒分明有咬口。阿華田紅豆冰都好飲，同奶茶紅豆冰唔同嘅係，阿華田紅豆冰以沙冰狀呈上，阿華田同紅豆味尚算平均，唔會搶咗各自味道，沙冰就算溶雪味道都無變淡。重點係兩杯飲品都好大杯，一分錢一分貨，無整色整水。作為一間新式茶室，我覺得佢做得唔錯，食緊途中都見到不停有客人堂食或外賣，不過和富果然係一個清靜地，呢度
然後叫咗個酥金寶，意指將龍蝦汁放入法包，然後鋪上酥皮，附上烏冬蝦球點汁食。今次嘅蝦球稍稍炸過嚟，所以已經調咗味，帶有咸香；龍蝦汁入面有瑤柱同鮑魚絲，汁嘅份量啱啱好，撈晒烏冬同法包就一滴不漏，唔會食到污糟邋遢。我個人鍾意用法包同酥皮點龍蝦汁嚟食多啲！酥皮焗到好金黃，唔會好厚又唔會粉，法包都好鬆軟，所以點龍蝦汁可以索晒啲汁！不過呢個餐要等二十分鐘，所以建議同朋友share嚟食會開心啲，唔駛你食完我都未有得食。
最令我surprised嘅係個飲品，初時以為呢啲新式茶餐廳搞gimmick嘢多，飲品就得個睇字，但係個奶茶紅豆冰好出色，茶味好濃，紅豆粒粒分明有咬口。阿華田紅豆冰都好飲，同奶茶紅豆冰唔同嘅係，阿華田紅豆冰以沙冰狀呈上，阿華田同紅豆味尚算平均，唔會搶咗各自味道，沙冰就算溶雪味道都無變淡。重點係兩杯飲品都好大杯，一分錢一分貨，無整色整水。
作為一間新式茶室，我覺得佢做得唔錯，食緊途中都見到不停有客人堂食或外賣，不過和富果然係一個清靜地，呢度環境有格調有裝潢，大家食嘢都細細聲講嘢，所以都食得舒服。
張貼
