Cova Ristorante & Caffe (港威商場) (已結業)

今日行到六點幾冇嘢做，就入咗去Cova度食嘢啦。叫咗兩杯嘢飲，其實都幾好飲嘅，又坐得幾舒服，而且人又唔多。飲完野之後就叫晚餐食啦，前菜係Parma ham加個沙律，就好似張相一樣咁一般。主菜叫咗個千層闊條麵，味道不錯，但係就份量較少。另外仲叫咗個黑松露蛋意粉，呢個份量就多少少啦，其實都好似唔係好夠食咁。嘢飲就叫咗兩杯茶，都幾好飲嘅。最後其實可以加錢叫甜品，但飲埋茶就覺得都夠飽喎，就冇叫到啦。下次再嚟嘅時候就會再試甜品啦！