莎巴馬來西亞餐廳

營業中

休息中

疫情之前，其中一個我最鐘意去嘅地方就係馬來西亞，好掛住當地美食，今日就同朋友搵到呢間位於灣仔嘅馬來西亞莎巴回味一下。馬來椰汁牛肉辣飯$88牛肉用特色辣汁淆煮非常入味，椰漿飯香氣撲鼻，配魚仔、花生、雞蛋等配菜，非常地道。海南雞喇沙$105海南雞冇骨，肉香油滑，喇沙湯底濃郁掛麵，厚厚豆卜盡吸湯汁。肉骨茶$98肉骨茶甜甜地，香料味四溢，易入口，唔會太重藥材味，排骨肉厚腍滑，配油炸鬼食就最惹味。網絲炸春卷 $45 即炸網絲春卷熱辣辣，香脆度驚人， 蝦肉餡料新鮮彈牙。檸檬薏米水$22 食完脆卜卜嘅美食，最啱就係飲返杯冰凍檸檬薏米水，味道清新微甜仲有粒粒薏米。