新聯豐粉麵家

營業中

休息中

呢間野最出名就係食粥，啲粥夠晒綿，重點係即叫即煮，並唔係嗰啲煮定一大鍋嘅粥，因為個阿叔就企喺門口度煮，啲粥咁綿就梗係煮定既，不過啲餸係收到order先加落，所以豬膶唔會太un,魚片唔會煮過時太熟。另外推介下佢嘅粉面，生面爽口彈牙，冇鹼水味，牛筋腩炆到入晒味！仲有係個雲吞炸醬撈，炸醬有少少辣嘅，豬肉切絲並唔係絞碎，食落更加有口感，而且都幾大份，一個女仔食唔曬。重點推介八爪魚同咖喱魚蛋，爽滑彈牙，通常一到夜晚就會賣晒。