韓珍 (帝國中心) (已結業)

今日過到嚟尖沙咀，為咗再次去食之前食過返尋味嘅韓珍燒肉，不過行到嚟寶勒巷先發現裝修緊，但係好在帝國中心嗰邊仲有另一間分店。為咗美食，為咗期待好耐嘅燒肉同埋醬油蟹，即刻出發過去帝國中心分店。。醬油蟹超好食嘅撈飯，鮮甜嘅蟹膏同濃郁嘅蟹肉，經過醬油醃製之後，味道鮮甜之餘，調味亦都好充足。再同牛油飯撈埋一齊嚟食，簡直好食到停唔到口，勁滿足。。牛五花肉&豚五花肉肉質好靚，脂肪分布均勻，好有肉味，包着生菜，再加上唔同嘅配菜一啖食落口，超正。另外值得一提嘅係，呢度嘅員工好Nice，佢哋會好主動咁幫手燒肉，佢哋燒得好出色，燒得啱啱好，一啲都唔靭，。。泡菜豬肉湯勁多配料，除咗豬肉之外，入面有好豐富嘅泡菜同埋豆腐，飲落帶有一點點辣，味道十分濃郁。。韓珍 (帝國中心) (尖沙咀)尖沙咀麼地道68號帝國中心地下高層UG43號舖。