南대門

營業中

休息中

今日收工就約左朋友去尖沙咀食飯，大家都話好耐冇去韓國街行，諗住睇岩邊間就入去食。係門口就已經見到有個好正宗既韓國人面帶笑容😊好熱情咁招呼我地，所以決定入去試下。一坐低員工已經好快手放低左6碟小菜比我地，款式算多，而我個人就最鍾意涼拌薯仔絲，夠味之餘口感又爽口。🤪🤪我地就叫左個晚市套餐，包括一款牛肉、一款主食、兩款飲品。牛肉我地揀左肩胛肉，肉味濃郁，配搭埋生菜一齊食就冇咁油膩啦🤗而主食就叫左紫菜包飯，飯卷入邊都有好多材料，口感相當豐富。仲有兩罐充滿韓國特色嘅飲品，分別係雪梨同提子味，飲品入邊仲有果粒👍🏻另外，我哋再單點左半份蜜糖牛油蒜蓉炸雞，相當足料，係足半隻雞既份量，又有雞全翼又有雞髀。總括而言，韓國街呢間多年老店值得一試。