漢城美食

營業中

休息中

放工去韓國街食嘢，揀咗呢間好似幾多人食，原來呢間餐廳已經屹立超過20年，咁多年都有捧場客，啲嘢食又真係唔錯。芝士炒年糕辣炒年糕好惹味，但有時對唔食得太辣嘅人會太刺激，呢個芝士炒年糕就啱晒。芝士中和辣味又保留辣炒年糕香味，加上少少creamy熱溶芝士，每件年糕都入味煙韌。蜜糖蒜蓉雞翼炸雞翼香脆，配上蜜糖感覺冇咁熱氣，伴碟嘅炸蒜都不能錯過，好香好惹味。牛肉紫菜飯卷韓式飯卷我最鍾意，每次都要食，一口一件，有牛肉有菜有蛋，配上紫菜同麻油好食。炸醬麵炸醬麵唔好睇佢咁深色，佢又唔太咸喎，可能有好多洋蔥，仲有少少甜味添。食嘅時候伴入流心蛋液，醬汁帶少少creamy，配上小肉粒，啲有啲似扁身烏冬，煙靭煙靭咁樣。