刀馬旦

營業中

休息中

成日都好想去重慶玩下，但自己又食唔到辣，一直考慮緊去唔去好。近排見炮台山開咗間新餐廳，專門食重慶小麵同埋冒菜小火鍋，一於去挑戰下食到幾辣。呢到有分唔同嘅辣度，而我緊係由bb辣開始啦😂聽到老闆娘講，重慶小辣已經係辣到飛起，難到我去了重慶要紥炮嗎😭？招牌豌雜麵豌雜面配料有豌豆、花生、滷肉、蔥花等等，BB辣完全接受到，拌勻配料，麵條沾滿醬汁，辣辣地食落幾開胃。雞軟骨丸子冒菜小火鍋冒菜小火鍋點住火熱辣辣，裡面材料十分豐富，有雞軟骨丸子、百頁、金菇、午餐肉、豆卜、薯粉等等，BB辣都好惹味，而家天氣涼涼地食就啱曬。脆皮半隻雞即叫即炸，一撕開隻雞髀，肉汁就爆發，皮脆肉嫩，十分邪惡。冒節子冒節子即是滷小肥腸，小肥腸打成小結，清潔挺乾淨。紅糖冰粉/白玉厚椰乳紅糖冰粉滿碗冰粉，口感順滑，冰涼解膩。白玉厚椰乳椰汁味道濃郁，滿杯冰粉，實在滿足。紅糖糍粑外表炸到金黃色，入口酥脆軟糯，內裡紅糖夾心，甜而不膩。