松記燒鵝飯店 (已結業)

好多網友都推介呢間地道飯店！諗住買D野返屋企送酒，5:45 已經坐左好多人了～！等左3個字左右就拎得，都算好快手，而松記位置都幾方便，所以間中都黎幫襯！ 🌟 燒鵝外皮脆脆地，肉質有彈性亦夠淋，多汁，好夠鵝油香！肥瘦適中，佢Ｄ燒鵝真係好好食，個人認為都拍得住天鴻！🌟 蒜香椒鹽骨炸得好酥脆，夠淋又惹味～🌟 沙薑雞腳亦係好入味又夠哂淋，好香沙薑味！上面三個餸都好岩送酒！冬天我要返黎食羊腩煲🤣🏠店名：松記燒鵝飯店 🚘地址：元朗鳳翔路1號偉發大廈地下19號舖