影片
更多
2023-11-24
16 瀏覽
Boat Thai尖沙咀彌敦道63號iSQUARE國際廣場6樓601號舖泰國野一直深受香港人嘅熱愛，見呢間餐廳晚市情況爆滿，證明質素都有返咁上下！一於同朋友入去試試佢啦！泰式冬蔭功湯 一向都好鍾意湯品，食落酸酸辣辣嘅冬陰功湯更加可以話係冬日良品，好鍾意佢酸辣度調配得岩岩好又夠哂正宗。泰式海南雞 (半隻） 呢個海南雞飯雞簡直係今晚嘅主角，食落超級滑又唔肥，加上佢起哂骨，點埋黑豉油食真係好鬼惹味呀。泰式鳳尾蝦炒金邊粉 食泰國菜點可以唔嗌炒金邊粉！呢個金邊粉食落比較酸辣，配埋非常爽口彈牙的鮮鳳尾蝦，真係令人食慾大增！泰式青咖喱雞 一般餐廳青咖哩通常是比較辣的，但係呢一間係辣得較為溫和一點，可能佢落椰奶較多，食落好順滑，送飯一流呀！泰式燒豬頸肉 呢個豬頸肉超正！好鍾意佢食落有焦香，而且表面乾脆，完全唔肥膩，係全枱最快俾人掃晒嘅一碟！芒果糯米飯 + 泰式街頭椰子粟米雪糕 我地都大愛椰子口味嘅甜品，椰子粟米雪糕味道清新香甜，椰香滿滿，非常好食。而芒果糯米飯口味亦是非常泰式，芒果香甜多汁，糯米的軟硬程度處理相當得宜！泰式椰子刨冰+ 椰青晚餐食唔想嗌泰式奶茶，所以嗌左個椰子刨冰，完全無後悔，刨冰非常香
尖沙咀彌敦道63號iSQUARE國際廣場6樓601號舖
泰國野一直深受香港人嘅熱愛，見呢間餐廳晚市情況爆滿，證明質素都有返咁上下！一於同朋友入去試試佢啦！
泰式冬蔭功湯
一向都好鍾意湯品，食落酸酸辣辣嘅冬陰功湯更加可以話係冬日良品，好鍾意佢酸辣度調配得岩岩好又夠哂正宗。
泰式海南雞 (半隻）
呢個海南雞飯雞簡直係今晚嘅主角，食落超級滑又唔肥，加上佢起哂骨，點埋黑豉油食真係好鬼惹味呀。
泰式鳳尾蝦炒金邊粉
食泰國菜點可以唔嗌炒金邊粉！呢個金邊粉食落比較酸辣，配埋非常爽口彈牙的鮮鳳尾蝦，真係令人食慾大增！
泰式青咖喱雞
一般餐廳青咖哩通常是比較辣的，但係呢一間係辣得較為溫和一點，可能佢落椰奶較多，食落好順滑，送飯一流呀！
泰式燒豬頸肉
呢個豬頸肉超正！好鍾意佢食落有焦香，而且表面乾脆，完全唔肥膩，係全枱最快俾人掃晒嘅一碟！
芒果糯米飯 + 泰式街頭椰子粟米雪糕
我地都大愛椰子口味嘅甜品，椰子粟米雪糕味道清新香甜，椰香滿滿，非常好食。而芒果糯米飯口味亦是非常泰式，芒果香甜多汁，糯米的軟硬程度處理相當得宜！
泰式椰子刨冰+ 椰青
晚餐食唔想嗌泰式奶茶，所以嗌左個椰子刨冰，完全無後悔，刨冰非常香濃美味，而椰青水飲落新鮮清甜，好味又健康！
張貼
