逸之燒 (已結業)

今日放工去咗同朋友食飯，朋友話想食日式燒肉同刺身，所以就帶佢黎咗逸之燒。 首先叫咗個和風魚生沙津，好多魚生，有三文魚，呑拿魚，油甘魚等等，加埋個沙律汁，好開胃。 夀司同刺身有好多選擇，我地叫咗個左口魚裙邊夀司，饅魚夀司，花之戀夀司炸軟殼蟹手卷。 炸軟殼蟹手卷個軟殼蟹炸得好香口，脆卜卜。 松葉蟹粥，好大豌，好香蟹既鮮味。 串燒就揀咗鹽燒牛脷串，好厚，燒得好香。 汁燒安格斯牛肉金菇芝士串， 汁燒茄子串， 汁燒安格斯牛肉露筍串，全部燒得都好有水準，好有日式風味。