老厝邊 (已結業)

位於大角咀嘅台式餐廳老厝邊，裝修懷舊有特色，座位闊落☺️老厝邊意思係老鄰居咁解，以眷村味道做賣點，製作簡單純樸又好味嘅台灣美食🍴今次嚟到就試下佢哋嘅牛肉麵先，叫咗半筋半肉麵，份量都幾多，牛肉大塊厚肉，筋夠晒稔，正😋湯底濃郁又唔會死醎。朋友叫嘅滷肉飯，有大/小size，估唔到細嘅都咁大碗🍚滷肉肥瘦均勻，粒狀大小亦剛剛好，啲汁夠撈晒成碗飯👍🏻仲叫多兩份小食share，雖然話係小食，但係全部都好大份😆台式蒜片香腸，正宗台灣味道，我會將蒜片同腸夾埋一齊食，滋味加倍。而炸雞排外層炸得好酥脆，入面嘅肉依然留有肉汁，處理得相當唔錯🐓台式飲品選擇有好多，例如檸檬愛玉/冬瓜茶等等，我倆都愛好珍珠，就點了一杯經典珍珠奶茶🧋同珍珠鐵觀音奶茶，珍珠口感煙韌，兩杯都唔會太甜，鐵觀音嘅茶味特別濃郁。