影片
更多
2023-09-07
96 瀏覽
今日到訪呢間主打台式地道牛肉麵嘅餐廳，據聞係由台灣人開嘅，朋友食完讚好不絕。平日見都要排隊，呢日早咗收工，加上落大雨，竟然唔使等位，二話不說入去食碗牛肉麵。三寶牛肉麵（$95）- 點咗川味紅燒湯底，帶微辣，就算唔係好食到辣嘅朋友應該都冇問題。三寶包括牛筋、牛鍵同牛肋條。各牛件都好入味，尤其係牛肋條，好淋好好味。粗麵條質感有少少似烏冬，煙靱彈牙。半筋半肉麵（$90） - 呢個點咗蕃茄湯底（+$5），亦加咗溏心蛋（+$12）。牛筋同牛肉份量都唔少，配上蕃茄湯底，味道好豐富。荔液滿白峰（$46）- 估唔到呢個甜品充滿驚喜，入面有荔枝蜜仙草、三色芋圓、荔枝爆珠、雲尼拿雪糕等，各種食材味道好夾，配搭荔枝爆珠一齊食，好有化學作用。點麵食可加錢配飲品，點咗冷泡茶荔枝烏龍同檸檬冬瓜茶。要讚吓飲品甜度調校得好好，唔會太甜，清新消暑。
今日到訪呢間主打台式地道牛肉麵嘅餐廳，據聞係由台灣人開嘅，朋友食完讚好不絕。平日見都要排隊，呢日早咗收工，加上落大雨，竟然唔使等位，二話不說入去食碗牛肉麵。
三寶牛肉麵（$95）- 點咗川味紅燒湯底，帶微辣，就算唔係好食到辣嘅朋友應該都冇問題。三寶包括牛筋、牛鍵同牛肋條。各牛件都好入味，尤其係牛肋條，好淋好好味。粗麵條質感有少少似烏冬，煙靱彈牙。
半筋半肉麵（$90） - 呢個點咗蕃茄湯底（+$5），亦加咗溏心蛋（+$12）。牛筋同牛肉份量都唔少，配上蕃茄湯底，味道好豐富。
荔液滿白峰（$46）- 估唔到呢個甜品充滿驚喜，入面有荔枝蜜仙草、三色芋圓、荔枝爆珠、雲尼拿雪糕等，各種食材味道好夾，配搭荔枝爆珠一齊食，好有化學作用。
點麵食可加錢配飲品，點咗冷泡茶荔枝烏龍同檸檬冬瓜茶。要讚吓飲品甜度調校得好好，唔會太甜，清新消暑。
張貼
