平昌

營業中

休息中

喺旺角勁肚餓 第一時間就諗起兆萬😹今次我地決定試下任食兩小時嘅平昌韓燒🇰🇷呢度充滿地道韓國風情 仲有好多韓國食客添!-餐廳有三款套餐 我地揀咗中級嘅世子御膳($278)佢比平啲嘅大君御膳多咗幾款高級嘅肉類🥩例如肉眼扒 牛前胸腹肉同香草五花腩等等我地最鍾意嘅係牛前胸腹肉 嫩滑且重牛味而大君包含嘅調味烤肉亦都好滋味其實姐係日常食牛肉炒粉絲嘅韓式烤牛肉🤪而鴨胸 帶子 烤雞肉都係比較推介嘅燒烤食品😼-呢度仲有多款熟食提供 都係任食架!一定要試安東燉雞 雞肉超級嫩滑入味🐤醬油蝦都好唔錯 配上甜甜地嘅醬油 yum🦐最後飲埋肥牛大醬湯 暖笠笠好濃郁🐮