新海楓茶餐廳

營業中

休息中

呢間茶餐廳，睇外表就知求其地踎是但共冶一爐，只不過因為以前住開呢一區，今日睇早場，順路就懷舊一下。呢度早餐嘅價錢都得上經濟實惠，見到兩餸麵餐$38，竟然配菠蘿包夾牛油，勁想試，但卡路里熱量太高，肯定食唔晒，於是轉頭去試香煎牛扒配餐肉煎蛋，上碟一睇牛扒超大件，成隻碟佔咗一半咁滯，牛扒煎到金黃色，雖然明知道係雪藏牛扒，但係醃肉味道都可以，無話用鬆肉粉搞到冧pay pat 無味死肉，配左煎蛋都可以，但餐肉就麻麻哋，最美中不足嘅係扒餐竟然冇跟餐包/方包，不過如果生酮飲食，就真係啱啱好。奶茶就一般般，俾一般餐廳算OK，雖然唔係好香茶味，但飲落都算滑口，唔會搞到又苦又澀，都算飲得㗎。總言之， $38早餐，確實係對得住價錢啦。