花月冰室

營業中

休息中

今日同朋友去尖沙咀食飯，係isquare對面見到間新既冰室就試下。叫左個欖油蒜香帆立貝意粉，帆立貝份量都算多，煎得香口，唔會過熟，咬落去仲有少少juicy。蒜香味算突出，本身調味偏濃幾惹味。之後叫左個炸雞翼拼薯條，雞翼炸得香脆，唔會太油，皮薄肉嫩。薯條就正正常常，炸完都香脆。之後試咗無骨海南雞飯，雞肉好食過預期，嫩滑唔鞋，唔會有雪味。油飯都幾香，油香味算出，整體好好。飲品方面，凍鮮檸金桔蜜幾解渴，酸酸甜甜，夏天飲好舒服。咸檸雪碧就中規中矩，咸檸味唔算濃烈，飲落去都幾爽。