影片
更多
2021-12-08
56 瀏覽
如果你好似我咁，曾經食過一餐完全冇肉味、唔知食緊咩嘅韓燒，應該會對燒肉留下陰影。 但生命滿希望，尋尋覓覓終於搵到我心目中正嘅燒肉店。美國牛板腱 ($78) 大大塊薄切，平時喺韓燒見唔少，但未試過真係稱得上好食嘅。 估唔到佢好有牛味，唔知係咪塊板弧型嘅設計，受力比較平均，雖然薄身但都keep到肉汁，剪開兩份分都好有肉感好滿足，尤其襯夾埋洋蔥一齊食。橫隔肌 ($98)厚身但口感軟腍，係簡簡單單點鹽已經好好味嘅質素，同平時一田買到嘅有得揮。柚子雞腿肉 ($78) 有驚喜，首先唔係求其用類似柚子茶求其撈一撈，真係食到入味嘅天然柚子味，仲要同雞肉好夾。 平時食牛角之流，幾俾心機燒都好，雞肉總會有啲乾柴，但呢度燒熟之後依然好有肉汁，係我食過燒肉界最好食嘅雞肉。伊比利亞梅頭 ($88) 勁厚切，剪開好似五花肉咁勁肥美。 好食嘅豬扒唔易搵到，呢塊梅頭比起我阿媽買嘅靚新鮮豬肉更加有鮮味，完全冇筋，成塊都好軟腍，呢個價位勁超值。
美國牛板腱 ($78) 大大塊薄切，平時喺韓燒見唔少，但未試過真係稱得上好食嘅。 估唔到佢好有牛味，唔知係咪塊板弧型嘅設計，受力比較平均，雖然薄身但都keep到肉汁，剪開兩份分都好有肉感好滿足，尤其襯夾埋洋蔥一齊食。
橫隔肌 ($98)厚身但口感軟腍，係簡簡單單點鹽已經好好味嘅質素，同平時一田買到嘅有得揮。
柚子雞腿肉 ($78) 有驚喜，首先唔係求其用類似柚子茶求其撈一撈，真係食到入味嘅天然柚子味，仲要同雞肉好夾。 平時食牛角之流，幾俾心機燒都好，雞肉總會有啲乾柴，但呢度燒熟之後依然好有肉汁，係我食過燒肉界最好食嘅雞肉。
伊比利亞梅頭 ($88) 勁厚切，剪開好似五花肉咁勁肥美。 好食嘅豬扒唔易搵到，呢塊梅頭比起我阿媽買嘅靚新鮮豬肉更加有鮮味，完全冇筋，成塊都好軟腍，呢個價位勁超值。
張貼
