壽定食屋

營業中

休息中

是日到荔枝角出差，來到香工發現呢個地庫food court，中日韓西餐都有得食，揀咗一陣決定試下呢間日式定食屋。餐廳雖然唔大，但嘢食種類都幾多，咖喱、丼物、烏冬都有，價錢亦親民，每個餐都送麵豉湯，都算抵食。鰻魚粒炒飯 :上碟時已經聞到好香鰻魚味，炒飯炒得夠乾身，鰻魚份量都幾多，每一口都食到，味道唔會太鹹，加埋蔥花食落更香口。照燒雞扒飯 :雞扒煎到金黃色，賣相相當吸引；雞扒皮煎得香脆，內裡肉質依然保持嫩滑，食落好多肉汁，加埋甜甜地嘅照燒汁，一碗白飯話咁快就清晒。