CoCo Espresso (已結業)

呢度係間白色小屋style cafe，menu 雖然比較簡單，但都有all day breakfast, 多士，pasta, 主菜同burger選擇。點左2款都係比較另類配搭既雞扒烤菠蘿漢堡，同埋慢煮法式油封鴨脾配牛角窩夫。初初都有d怕雞扒＋菠蘿唔夾，但食落又出奇地配，包係烤過的，雞扒夠嫩，配上菠蘿同甜甜地既汁又好好味啵，墨西哥脆片就正常無咩特別。慢煮鴨脾十分之嫩，皮簿唔肥，味道都好好配上酸椰菜同甜醋汁非常美味，窩夫係牛角包既酥皮，配埋楓糖漿非常邪惡。飲品點左黑咖啡同cappuccino, 係我鍾意既帶nutty既咖啡味，非常出色。之前食過好多間cafe,咖啡都係正常，唔會特別好飲，唯一挑剔就係枱腳一大舊頂住隻腳坐得無咁舒服，但呢度既食物絕對推介。