南角

營業中

休息中

利用原有的戰前唐樓嘅裝修，再加上文青feel嘅咖啡店裝潢，細細的地方但表現出品味。佢哋個餐牌都幾創新，今次我哋四個人就點咗兩款我哋意想不到嘅菜式，每款點咗兩份。一眼望落去最特別嘅，忌廉腐乳醬北海道帶子寬面。識落都有少少嘅腐乳鹹香味，有好濃嘅忌廉芝士感覺， 加上六粒帶子，兩個人一齊share，雖然細細碟，感覺啱啱好，可以留肚試吓下一款。另一款係烤牛骨髓喇沙通粉。朋友嗰碟先上，見到兩條大大嘅骨髓，「嘩」咗一聲。但係到第二碟嚟嘅時候，只係得一條骨髓，問店員，佢話因為第一碟嗰條骨隨細啲，所以先俾咗兩條。呢一隻骨髓，唔似我哋打邊爐白色嗰隻，其實係滿滿嘅脂肪口感。少食多滋味，撈落啲喇沙通粉度食，感覺啱啱好。喇沙湯唔係太濃，啱啱好掛到落啲長通粉到。最後，我哋叫咗一件抹茶巴斯克蛋糕，四個人分，超級濃郁嘅芝士，四個人分一件恰到好處。一人食一件嘅話會太膩。