Espresso Alchemy

營業中

休息中

香港作為一個國際大都會，實在有好多可以嘆到好咖啡嘅地方。今日就嚟咗尖沙咀美麗華地庫一間叫 Espresso Alchemy 嘅咖啡室。頭盤先點咗一個雞扒沙律$78， 真係十分值得推介。如圖中所見， 大雞扒足足有差唔多成二十件， 一般沙律嘅雞扒都係白烚， 肉質非常之鞋口，無味無道，但係呢個雞扒熱辣辣， 雞肉出奇地鮮嫩， 配上新鮮嘅沙律菜，十分醒胃。然之後點咗個蕃茄虎蝦意粉$123， 個意粉味道偏淡， 咁樣反而可以食得出番茄嘅鮮甜， 帶有少少酸味 ，食落一啲都唔會覺得膩。 虎蝦有三隻咁多，隻隻都好大隻 ，蝦肉爽口彈牙。甜品方便就嗌咗個白朱古力咖啡多士 $49。同樣地份量十足，有三層咁多 ，中間夾咗黑色一點點嘅， 我諗可能係coffee ground磨出嚟嘅。 入口有淡淡嘅咖啡香味， 整體味道唔會太甜， 食落好舒服 。嘢飲方便就點咗個綠茶latte $41， 服務員好細心咁解釋如果飲品內有揸係正常㗎 ，綠茶味十分濃沃 ，茶同奶嘅比例好均勻 。最後點咗杯Flat White $41。 喺香港飲咗咁多咖啡，終於喺呢度畀我搵得返喺純正澳洲嗰種 Flat white嘅味道 ，咖啡甘香，奶又打得好滑。