在家居酒屋 (已結業)

之前聽朋友講大圍有間日本菜幾高質, 但一直都無時間試, 最近終於開番晚市堂食, 所以今晚小妹就約埋朋友仔一齊試下🤭, 餐廳位置其實係大圍同顯徑中間, 小妹就覺得由顯徑行過去會近d! 餐廳有兩邊, 環境都幾大, 裝修方面用左木色家具配搭水泥色嘅牆身, 走輕工業風! 🌟蟹膏海膽丼🦀🍚蟹膏超級多, 入面仲有一梳梳嘅蟹肉非常鮮味, 海膽味道鮮甜, 入口即溶唔腥, 同樣幾足量, 加少少柑桔汁令飯味甜度提昇而且解膩, 成碗飯一滴醬油都唔洗落, 整體超高質, CP值極高, 推介!🌟旋風滑蛋炭雞丼🍳🐔🍚旋風蛋賣相吸引, 雞蛋呈半熟狀態, 蛋汁微微溢出, 入面加左少少沙律醬令味道層次昇華, 雞肉炭燒味好香, 肉質鮮甜嫩滑多汁!🌟燒菠蘿🍍味道酸酸甜甜, 十分juicy!