影片
更多
2023-03-30
190 瀏覽
聞名不如見面！本身都聽過唔同朋友推薦呢間隱沒喺村屋之間嘅居酒屋。上次過嚟顯徑已經係去肆年捌月嘅舊舖了，嗰次比較失望，自此呢兩年都好少再經過呢邊。今日難得去開沙田區做嘢，女朋友又想食蛋包飯；加上本身佢話想試嘅ADO又休息，就專登走過嚟食個晏，會一會佢！由於猶豫係咪應該行過大排檔嘅關係，所以兜咗去後面啲小路，花咗少少功夫先搵到，下次喺返近警署嗰邊入就易搵好多喇。舖頭面積唔大，但簡約得嚟幾骨子，一行到門口，店員已經好主動招待，印象唔錯😌魚生同埋牛舌（同埋面前嘅美女🤭）都係我嘅最愛，見到佢哋午市嘅選擇都唔少，總有一款啱食，難就難在揀邊款嚟試好。女友一早就有心水，揀咗旋風炒蛋鰻魚飯。選擇困難嘅我經過一輪掙扎、連轉盤都出埋，終於揀定試一試佢哋嘅角切魚生飯。午市套餐幾抵食，跟餐有前菜同埋湯；未見主菜，就先見配角。之但係店員好快手擺低個湯同前菜嘅時候，配角就開始搶鏡嘞：一陣熟悉嘅香氣撲面而嚟，我一時間竟然講唔出係咩味，但係一種睽違已久、我懷念嘅味道。於是，本身又係非常鍾意飲湯嘅我，就決定呷啖湯先。瓊漿玉液剛下咽，甘香鮮美隨之湧出，令人想一啖接一啖咁繼續飲。我一路飲，一路諗：究竟係咩味呢？我知係海鮮，有
由於猶豫係咪應該行過大排檔嘅關係，所以兜咗去後面啲小路，花咗少少功夫先搵到，下次喺返近警署嗰邊入就易搵好多喇。舖頭面積唔大，但簡約得嚟幾骨子，一行到門口，店員已經好主動招待，印象唔錯😌
魚生同埋牛舌（同埋面前嘅美女🤭）都係我嘅最愛，見到佢哋午市嘅選擇都唔少，總有一款啱食，難就難在揀邊款嚟試好。女友一早就有心水，揀咗旋風炒蛋鰻魚飯。選擇困難嘅我經過一輪掙扎、連轉盤都出埋，終於揀定試一試佢哋嘅角切魚生飯。
午市套餐幾抵食，跟餐有前菜同埋湯；未見主菜，就先見配角。之但係店員好快手擺低個湯同前菜嘅時候，配角就開始搶鏡嘞：一陣熟悉嘅香氣撲面而嚟，我一時間竟然講唔出係咩味，但係一種睽違已久、我懷念嘅味道。於是，本身又係非常鍾意飲湯嘅我，就決定呷啖湯先。瓊漿玉液剛下咽，甘香鮮美隨之湧出，令人想一啖接一啖咁繼續飲。我一路飲，一路諗：究竟係咩味呢？我知係海鮮，有啲魚湯嘅感覺，但又好似同魚湯有唔同。係鰹魚湯？係蜆類？喺接近飲咗四份一碗嘅時候，我終於諗起：係蟹！一個跟餐嘅湯當然唔會有花咲蟹，亦都唔會有蟹肉，但係呢種鮮味，的確令我諗起喺北海道飲到嘅鐵炮汁，有種難以言喻嘅感動。配料換上大根、薄切豆腐同埋昆布，但味噌底嘅湯頭一樣出色鮮美。原本對個湯冇特別期望，只要唔係淡如水嘅味噌湯，就已經收貨。又點估到佢咁有誠意先得㗎？如果有得添多碗就正喇🥰唯一係可能坐喺冷氣風口位，所以碗湯可能吹凍咗，略嫌有少少咁多唔夠熱；如果再熱啲，肯定更加滋味😋
前菜亦都唔錯，係一堆西生菜、紫椰菜同火箭菜（樣似，但冇嗰種獨特嘅苦澀味同香味，可能我認錯）配上柚子，加埋一種集酸、鹹於一身、類似稀啲嘅炸豬扒醬嘅醬汁摻和而成，清新得嚟幾開胃。柚子可能已經過造，所以澀味略重，但都係非戰之罪，唔會乾水，整體都好滿意😌
轉眼間，主菜都上埋嘞。先試咗啖旋風蛋鰻魚飯，鰻魚外脆內軟，醬汁夠之餘又唔會太水，略略乾身而魚身唔會太削，有水準！炒蛋份量足而且都算軟熟，雖然可以再滑身啲，不過都好靚仔✨飯粒粒粒分明有咬口，配埋黑芝麻同蔥花都幾和味😆
角切魚生飯方面，有三文魚、油甘魚（應該係？😆）、八爪魚同埋三文魚子，配上一塊玉子，再灑上紫菜碎同白芝麻，附上紫蘇葉同wasabi。配料以三文魚份量最多，其次就係油甘魚，反而八爪魚就相對少啲。食得出兩種魚嘅質素都唔錯，望落好似唔多，其實食下食下都唔少，而且魚油味出、味道甘美，唔會好似有啲平價貨咁有陣奇怪嘅油味，食得滿足！醋飯唔太酸，而且微暖，質感一樣保持到水準，就算就咁食啲飯都覺得正😋仲有一樣嘢得意，唔知係咪怕啲食客唔鍾意腥味，魚生飯同鰻魚飯同附上青桔仔。雖然本人係「原味主義者」，不過本住好奇心，都擠咗啲嚟提鮮🤣估唔到桔仔細細，鮮味都幾出，食落啲飯會有陣清香，幾特別🙊或者我都係鍾意就咁食多啲，但係落咗青桔汁，又係另一種感覺~🌿
整體而言呢餐都非常滿意，當出面求其食啲日本嘢都係呢個價位嘅時候，係真係感受到在家居酒屋嘅誠意，個湯同埋前菜都有心思，主菜嘅食物都係水準之作✨食完之後，都有同女朋友坐多咗一排傾下偈；店員都有主動同我哋斟咗幾次茶，服務認真唔錯🤝🏽仲要唔使加一添！推薦大家嚟支持下😋😋
見到隔離枱食個安格斯封門柳都幾醒神，下次都可以考慮下😌不過，封門柳雖然好食，但係我應該都係會期待咗佢個牛舌先🤣🤣
希望食物質素可以一路保持到！🐻
角切魚生飯
$88
11 瀏覽
1 讚好
0 留言
旋風蛋鰻魚丼
$83
18 瀏覽
1 讚好
0 留言
8 瀏覽
1 讚好
0 留言
7 瀏覽
1 讚好
0 留言
張貼
