影片
更多
2023-08-26
26 瀏覽
以前租過大圍樓住，都知道大圍好多嘢食，幾年無返過嚟諗住去新場圍方行吓，食肆間間多人到不得了，上網再搵下附近有乜食，無諗過原來行過少少工廠區有間豬手工房openrice 咁多like ，即管試下佢。「熱情果菠蘿0%啤酒」男女都啱飲好易入口，雖然係0%但係啤酒味都好濃，口感真係好似啤酒，入口甜甜地又有少少甘甘地又好夠泡～「白桃乳酸梳打」女士們應該會好鐘意，偏甜少少但係一罐 soda water 會沖唔晒一杯 ，所以飲少少沖埋嗰三分一罐入去啱啱好當兩杯飲啱啱好！好飲又抵飲！「香辣蒜片德國啤酒煮蜆」啤酒味好濃，偏少少鹹，但係餸酒呀，做餐前小食真係好開胃。😋「麻辣雞煲🐓」雞煲啲雞肉滑又夠入味，佢哋啲雞煲唔係打邊爐，但係用料都新鮮十足，十幾二十粒蒜頭蔥頭爆香起鑊再炒啲雞！（廚房就喺隔離聽得好清楚😏）川式麻辣味好夠！真係食到麻嘅感覺👍🏻 佢地仲可以比客人選擇自行加配唔同嘅食材，然後廚師就會加埋落去煮，呢個主意都幾好！本來加左萵苣同肥牛，但係萵苣賣晒轉左翠玉瓜，不過都好食！「葡汁焗雞扒飯」葡汁整得幾好，白飯撈葡汁都可以食幾碗飯。顏色焗得都幾靚，唔會overcooked ,雞扒size ok 唔會柴皮，
「熱情果菠蘿0%啤酒」
男女都啱飲好易入口，雖然係0%但係啤酒味都好濃，口感真係好似啤酒，入口甜甜地又有少少甘甘地又好夠泡～
「白桃乳酸梳打」
女士們應該會好鐘意，偏甜少少但係一罐 soda water 會沖唔晒一杯 ，所以飲少少沖埋嗰三分一罐入去啱啱好當兩杯飲啱啱好！好飲又抵飲！
「香辣蒜片德國啤酒煮蜆」
啤酒味好濃，偏少少鹹，但係餸酒呀，做餐前小食真係好開胃。😋
「麻辣雞煲🐓」
雞煲啲雞肉滑又夠入味，佢哋啲雞煲唔係打邊爐，但係用料都新鮮十足，十幾二十粒蒜頭蔥頭爆香起鑊再炒啲雞！（廚房就喺隔離聽得好清楚😏）
川式麻辣味好夠！真係食到麻嘅感覺👍🏻 佢地仲可以比客人選擇自行加配唔同嘅食材，然後廚師就會加埋落去煮，呢個主意都幾好！本來加左萵苣同肥牛，但係萵苣賣晒轉左翠玉瓜，不過都好食！
「葡汁焗雞扒飯」
葡汁整得幾好，白飯撈葡汁都可以食幾碗飯。顏色焗得都幾靚，唔會overcooked ,雞扒size ok 唔會柴皮，有片大芝士，不過食落唔會好膩。
餐廳外面有一個露天座位，睇來冬天會開放比客人坐，場地大到我諗開個100 人 party 都可以。
室內座位闊落舒適，大概都可以坐40-50人，有梳化位。裝修有少少似酒吧feel，有個飛鏢鈀。
整體來講係坐得舒服，又好食😋！
白桃梳打 菠蘿熱情果0%啤酒
10 瀏覽
0 讚好
0 留言
香辣蒜片德國啤酒煮蜆
0 瀏覽
0 讚好
0 留言
葡汁焗雞飯
4 瀏覽
0 讚好
0 留言
辣子系列麻辣雞煲
5 瀏覽
0 讚好
0 留言
張貼
