影片
更多
2025-06-10
91 瀏覽
今日晏晝同班friend嚟到土瓜灣呢間「有間茶記響附近」，卡位坐得闊落舒服，冷氣夠涼又唔會太凍。伙記阿姐見我哋第一次嚟，好友善咁介紹招牌菜，仲提醒我哋焗飯要等耐少少，服務真係冇得彈！✨必食推介✨牛扒咖喱焗飯：焗到金黃色嘅芝士鋪滿成個碟，切開見到厚切牛扒同香濃咖喱汁。牛扒嫩滑唔韌，咖喱香而不辣，撈埋焗飯一齊食真係無得頂！炸雞髀：雞髀大過手掌心，炸到金黃酥脆。外皮脆卜卜，入面肉汁鎖得好好，點埋喼汁食更加惹味。厚切西多士：邪惡甜品之選！西多士厚切到成吋厚，炸到外脆內軟。甜到入心但完全唔膩。間舖雖然唔大，但食物份量十足，價錢又街坊。最鍾意佢哋嘅人情味，伙記仲會同熟客傾吓波經。臨走時伙記仲送多杯凍檸茶俾我哋，搞到已經心思思想再嚟過！
✨必食推介✨
牛扒咖喱焗飯：
焗到金黃色嘅芝士鋪滿成個碟，切開見到厚切牛扒同香濃咖喱汁。牛扒嫩滑唔韌，咖喱香而不辣，撈埋焗飯一齊食真係無得頂！
炸雞髀：
雞髀大過手掌心，炸到金黃酥脆。外皮脆卜卜，入面肉汁鎖得好好，點埋喼汁食更加惹味。
厚切西多士：
邪惡甜品之選！西多士厚切到成吋厚，炸到外脆內軟。甜到入心但完全唔膩。
間舖雖然唔大，但食物份量十足，價錢又街坊。最鍾意佢哋嘅人情味，伙記仲會同熟客傾吓波經。臨走時伙記仲送多杯凍檸茶俾我哋，搞到已經心思思想再嚟過！
張貼
