稻成亞丁

營業中

休息中

呢日同朋友响圓方商場行完街，順道响商場搵嘢食，好多朋友都覺得圓方喎，實冇平嘢食啦，係嘅！係冇平嘢嘅，不過又唔係好貴，人均消費二三百元又好食嘅餐廳，其實都唔少嘅，好似今次去呢間中菜，印象中都開咗好多年，之前都嚟食過幾次，食物質素方面印象都幾好，裝修方面就唔算好有特色，簡簡單單咁啦冇咩打卡位架啦。呢間店主打北京菜同四川菜，不過今次得三個人食就冇叫佢最出名嘅北京填鴨啦，主菜叫咗一個酸菜魚（$298），賣相好靚，麻辣回甘，感覺唔錯，另外叫咗一個小籠包（$62），呢個我就覺得中規中矩啦，最欣賞係個菜，係紫淮山素小炒（$108），好食之餘七彩縯紛好靚。