小野人

營業中

休息中

是日來到沙田的小野人食晚飯，主打串燒，價錢都幾貼地。坐低後店員便會開爐，枱上這小小的暖盤都幾勁，keep住90分鐘內都有火，串燒保持暖笠笠狀態👍⭐小野人手打檸檬茶 & ⭐元氣森林水果茶先來兩杯特飲，正如餐牌所講真係特大杯，最好係可以選擇走甜添。⭐小野人黑松露蘑菇烤飯朋友大力推薦呢個黑松露蘑菇飯，真係好香黑松露味喎，而且仲加咗蛋黃醬，拌均佢真係好好味🤤⭐大漠烤羊肉 & ⭐烤小牛肉串必叫羊肉串同牛肉串，5串加埋都唔使50蚊好抵食㗎，孜然粉同辣椒粉香噴噴。⭐香蔥豚肉卷 & ⭐多春魚大蔥燒起上嚟好香口，多春魚卜卜脆。⭐金菇牛五花肉卷金菇吸咗牛油勁正👍⭐西班牙黑豚五花肉 & ⭐脆雞皮五花肉同雞皮都係高油之物，呢兩隻啱晒做串燒。⭐夏威夷烤菠蘿食左咁多肉又係時候轉下口味，燒返塊多汁甜美菠蘿先。⭐糖燒牛奶方包最後仲有甜品燒方包，方包香脆，加左砂糖又香又甜，正👍傾下偈食串燒，人生一樂也。