影片
更多
2017-01-29
128 瀏覽
今天記載我跟劉豪的團年飯， 跟他吃團年飯當然要細心搵一間質素有保證的餐廳，最終選了這間圃公館或許好多人覺得他很陌生，但係一講農圃相信冇人唔識，不知這間圃公館嘅質素會唔會有兄弟店那麼出色呢？蒲公館開設於帝盛酒店一樓，門面簡而清感覺十分不錯。十一月才開張所以新張期內會有85折優惠呢！咁就食得更加抵啦。內裏嘅裝修唔算華麗但也是休閒舒適的，而這幅大螃蟹壁畫更令我滿是期待呢！先看看餐牌有啲咩好嘢食先！這碟名為梅酒聖女果$68，說穿了即梅酒浸車厘茄，名字就好有遐想了，吃下雖不是驚艷梅酒味不算濃，但車厘茄爆汁非常，很是開胃。咕嚕蝦球$198本來對這菜蠻有期望，可惜吃下我就覺得蝦球未至爽彈到我喜歡的程度，而且粉漿有啲重，不過配料和汁料都滿好味道。農圃糯米雞翼$68/隻，看見脹卜卜的雞翼確惹人憐愛，不過好似炸得有少少深色！但吃下皮脆肉滑，軟綿的糯米飯味道可口，如能再熱烘多點我更加愛它。花膠扒菜苗$188滿滿的花膠放在菜苗上，看到也覺得興奮呀！花膠入口嫩滑煙靭唔會淋pat pat，絕對係我喜歡的口感，而且用上海塔菜來陪襯，我覺得效果很出色。川式小炒肉$128劉豪忽然話要試下川菜，當然冇問題啦！呢個小炒肉我
蒲公館開設於帝盛酒店一樓，門面簡而清感覺十分不錯。
十一月才開張所以新張期內會有85折優惠呢！咁就食得更加抵啦。
內裏嘅裝修唔算華麗但也是休閒舒適的，而這幅大螃蟹壁畫更令我滿是期待呢！
先看看餐牌有啲咩好嘢食先！
這碟名為梅酒聖女果$68，說穿了即梅酒浸車厘茄，名字就好有遐想了，吃下雖不是驚艷梅酒味不算濃，但車厘茄爆汁非常，很是開胃。
咕嚕蝦球$198本來對這菜蠻有期望，可惜吃下我就覺得蝦球未至爽彈到我喜歡的程度，而且粉漿有啲重，不過配料和汁料都滿好味道。
農圃糯米雞翼$68/隻，看見脹卜卜的雞翼確惹人憐愛，不過好似炸得有少少深色！
但吃下皮脆肉滑，軟綿的糯米飯味道可口，如能再熱烘多點我更加愛它。
花膠扒菜苗$188滿滿的花膠放在菜苗上，看到也覺得興奮呀！
花膠入口嫩滑煙靭唔會淋pat pat，絕對係我喜歡的口感，而且用上海塔菜來陪襯，我覺得效果很出色。
川式小炒肉$128劉豪忽然話要試下川菜，當然冇問題啦！呢個小炒肉我覺得近似回鍋肉的味道，炒得好香口腩肉肥瘦均勻，加上配料如木耳，豆干等也十分入味，這碟餸味道很不錯。
最後當然有我哋今晚的主角古法扣南非8頭鮑魚$538，侍應會即時用沙煲堂煮後才端給客人。
淨看鮑魚很難分大少，看看跟茶匙的比例就知道呢隻八頭鮑有多大隻了。
而且十分之厚身呢大家見到嗎？鮑魚的質感十分軟淋火喉很足，炆得確係唔錯，但如果能夠再入味多一點呢我相信就更加吸引喇！
本來十分之想試呢度嘅名物文房四寶甜品，可惜原來要預訂㗎！唯有揀過第二樣啦！！
侍應推介我們是這個日本直送糯米糍$25/一粒。
比較我哋平時食開的大少許，原來入面係芝士味，而且內餡還有檸檬醬，成件吃也不覺膩，這個甜品我很喜歡啊~
另外仲有呢個楊枝甘露冰淇淋$48，用上乾冰煙霧瀰漫的上檯，賣相真的一絕，吃下味道係正常的楊枝甘露，加在一球雲呢拿雪糕，成件事那麼用心收貨啦。
最後兩條蛋散梗係要叫番一份冰糖脆麻花$38來贈慶啦。
蛋散炸得夠鬆脆不過蛋香就唔係好突出，加上糖漿偏少，吃下總是欠缺點點感覺！
走時在酒店大堂見到呢一張凳，好有BB的感覺，坐喺度我相信應該好快瞓著覺！
仲有呢個笑容滿面嘅可愛財神仔，過年前遇見你真開心。
讚好FB食店還送上一疊共價值$1500的贈券，睇嚟又要約朋友去飲茶食飯啦喂。
張貼
