影片
更多
2017-12-17
159 瀏覽
天氣漸漸轉冷，叔又想食熱辣辣海鮮，就搭地鐵去左黃埔食呢度嘅蒸氣鍋，叫左個四人餐。落左餐，店員用白果，米同排骨放落煲底熬粥。沙白蜆好厚肉，店員掌握時間蒸得剛剛好，又嫩又多汁，無沙，份量夠。肥美蒸蜆!蒸龍蝦好多肉，鮮甜又彈牙，加蒜蓉蒸無得輸!小籠包，個皮夠滑帶少少煙韌，唔易穿，餡料好夠肉味又juicy, 正。加追中蝦 98蚊，每人都分到三隻，而且好大隻! 鮮甜又多膏，真係三隻都唔多夠喉，不過仲有好多野未食，唔敢追加。蒸魚頭好大舊，有大大舊魚雲超滑的說。肥牛份量好多，蒸一分鐘就食得，原汁原味，比火鍋滾黎得更味濃，保持到原本肉汁。蒸雞加冬菇雲耳，味道夠哂住家，雞肉嫩滑，下飯一流，好想加一碗白飯呀！但叔要留肚食粥....粥底有一大鍋! 好在無貪心再加餸，唔係一定無位食粥，海鮮肥牛精華係哂度，熬到好綿，必食。有地鐵之後去黃埔方便左好多，有時間會多d 黎呢區行下食下野!
落左餐，店員用白果，米同排骨放落煲底熬粥。
沙白蜆好厚肉，店員掌握時間蒸得剛剛好，又嫩又多汁，無沙，份量夠。
肥美蒸蜆!
蒸龍蝦好多肉，鮮甜又彈牙，加蒜蓉蒸無得輸!
小籠包，個皮夠滑帶少少煙韌，唔易穿，餡料好夠肉味又juicy, 正。
加追中蝦 98蚊，每人都分到三隻，而且好大隻! 鮮甜又多膏，真係三隻都唔多夠喉，不過仲有好多野未食，唔敢追加。
蒸魚頭好大舊，有大大舊魚雲超滑的說。
肥牛份量好多，蒸一分鐘就食得，原汁原味，比火鍋滾黎得更味濃，保持到原本肉汁。
蒸雞加冬菇雲耳，味道夠哂住家，雞肉嫩滑，下飯一流，好想加一碗白飯呀！但叔要留肚食粥....
粥底有一大鍋! 好在無貪心再加餸，唔係一定無位食粥，海鮮肥牛精華係哂度，熬到好綿，必食。
有地鐵之後去黃埔方便左好多，有時間會多d 黎呢區行下食下野!
張貼
