蘇媽.蘇媽馬來西亞茶餐室 (已結業)

蘇媽蘇媽近年開左好多分店，港九新界都可以食到，超方便鐘意食馬來亞菜既大家，真係可以去到邊到都有得食今次去的尖沙咀店就比較特別，分開左兩部份，最入便係蘇媽蘇媽，同其他分店一樣以懷舊的裝修為主牆上一幅幅的壁畫，壁畫與實物既結合豐有檳城壁畫文化的特色，猶如置身在馬來西亞的小巷食店外便係 So Bar ，是一間有情調的多國菜酒吧，仲有分室內同室外座位，下次有機會一定要試下食品方面 :肉骨茶 :  湯底味道濃烈，主要當歸味比較重，飲完之後好暖胃椰香咖央多士 : 多士輕輕烘烤到香脆，再夾住香濃的咖央醬及牛油，外脆內軟，充滿椰香招牌砂煲老鼠粉 : 上枱熱辣辣，香氣十足，銀針粉夠曬彈牙入味，再將蝦乾、肉碎、魚仔乾、菜脯粒、豬油渣、蔥花，生蛋撈勻，口感豐富棒棒骨 : 棒棒骨吸收左中藥味較重的肉骨茶味道，略帶鹹味，鮮嫩入味，加上豆卜、金菇等配料到班蘭椰漿飯，味道一流玻璃魷魚通菜 : 魷魚口感爽口彈牙，通菜拌上馬來西亞的亞參辣醬及蒜蓉，味道帶少少辣，好味又辣得過癮檳城亞參叻沙 : 湯底帶少少酸辣，叻沙彈牙掛汁，再撈勻魚蓉、青瓜、生菜、紅洋蔥、菠蘿、辣椒、薄荷葉一起吃，辣辣地又惹味椰汁斑蘭冰 : 招牌飲品之一