Zoe

營業中

休息中

以前都有聽聞呢間餅店唔錯，但一直都無機會試。今日男朋友搵咗呢間既餅作為我既生日蛋糕，真係超開心！！晚上8點鐘左右到灣仔，好彩仲未關門。店內只有店員一人，入到店內已經殷勤地招呼又向我哋介紹餅既款式。 由於今日係生日既關係，揀咗件有笑樣既榛子味既餅。另外，揀咗件有狗仔樣既咖啡味餅。先講講件榛子味蛋糕，食落有啲似"金啦朱古力"，但一啲都唔甜，榛子好滑加上有脆脆做餅底，好好味！！至於件咖啡味蛋糕，蛋糕面上既狗仔圖案已經好得意，香燶咖啡味配上軟棉棉既海棉蛋糕，味道唔錯。蛋糕整體質素唔錯，但價錢略為貴咗少少，間唔中一次都可以接受。