雲南過橋米線

營業中

休息中

Item: 雲南過橋米線
Rating: 4
Author: 為食肥豬

3.5

58 食評

味道

環境

服務

衛生

抵食

1606

荃灣

$50以下

滇菜 (雲南) 川菜 (四川) 粉麵/米線茶餐廳/冰室

為食肥豬

等級4

198

係細細個嘅時候，我總會跟爸爸二人周圍走走，每次去到荃灣廣城行街時，佢都會帶我黎呢間雲南過橋米線食晏。呢間舖頭仔細細，經過左咁多年都無懼租金問題，依舊可以生存到，可想而知佢係一路都有穩定嘅人流先可以做到。相隔多年，我已經變成三個小朋友嘅媽媽，陪我黎嘅唔再係爸爸而係我三個女嘅爸爸。一入到去就見到入面嘅一檯一櫈依舊，所有兒時嘅回憶返哂黎。一睇個餐牌比起以前多左紅薯粉呢樣野。明白係呢個潮流帶領下一定要有少少新意先可以引到人黎食，所以加入新嘅菜式亦必然。價錢當然比起我細個時加左，話哂都過左咁多年，但對比起出面其他米線店其實佢又算平。而且呢度又有秘製醬汁嘅配撘，其他嘅米線好多都得清湯同麻辣酸辣。我地共叫左三碗分黎食，因為小朋友仲細個，一個人又食唔到一碗。酸辣腩肉魚皮餃幼紅薯粉：腩肉同出面嘅唔同，瘦嘅肉比較多，如果唔喜樂食瘦肉嘅人就未必啱，但佢用汁醃得夠入味，睇個肉嘅顏色已經睇得出，但同時又唔會太咸。魚皮餃係四海個隻，值得一提嘅係肉碎，佢係而醃過嘅所以好香好味，加埋d酸菜一齊食十分夾。幼紅薯粉亦都相當彈牙，紅薯粉吸左湯底食特別好味。個湯底除左有酸辣嘅味之外，有少少清甜嘅味道，唔係普通滾水咁。清湯豆卜

412 瀏覽

0 讚好

0 留言

一睇個餐牌比起以前多左紅薯粉呢樣野。明白係呢個潮流帶領下一定要有少少新意先可以引到人黎食，所以加入新嘅菜式亦必然。價錢當然比起我細個時加左，話哂都過左咁多年，但對比起出面其他米線店其實佢又算平。而且呢度又有秘製醬汁嘅配撘，其他嘅米線好多都得清湯同麻辣酸辣。
我地共叫左三碗分黎食，因為小朋友仲細個，一個人又食唔到一碗。

酸辣腩肉魚皮餃幼紅薯粉：腩肉同出面嘅唔同，瘦嘅肉比較多，如果唔喜樂食瘦肉嘅人就未必啱，但佢用汁醃得夠入味，睇個肉嘅顏色已經睇得出，但同時又唔會太咸。魚皮餃係四海個隻，值得一提嘅係肉碎，佢係而醃過嘅所以好香好味，加埋d酸菜一齊食十分夾。幼紅薯粉亦都相當彈牙，紅薯粉吸左湯底食特別好味。個湯底除左有酸辣嘅味之外，有少少清甜嘅味道，唔係普通滾水咁。

清湯豆卜豬紅粗紅薯粉：豆卜吸收左清湯嘅精華，絕對一流。反而豬紅就冇任何味道，但好在佢唔會一夾就散。粗嘅紅薯粉十分好咬口，食得多會咀都軟。

酸辣腩肉通菜米線：我都係比較中意食米線多，話哂細個時黎呢度同爸爸係食米線嘅，算係一個小小嘅情意結。米線唔會煮得太淋，軟硬剛好，同埋我好中意食通菜，通菜中間嘅管吸左湯底入去，一食啖菜時會連埋湯底一齊放入口，令到平平無奇嘅菜更好味，所以我特別中意食面時配通菜。食嘅時候彷佛回到當年同爸爸黎食一樣，味道依舊好味。不過唔知係咪因爲以前係同爸爸分享黎食，依家我長大左反而覺得一碗麵太多一個人食唔哂，最後要分d比老公食先可以唔好浪費。
總括係呢間米線小店絕對有佢嘅價值，希望佢可以憑住佢嘅味道一路令小店支持下去。