川燒 (已結業)

係尖沙咀行完街就同朋友到呢間『川燒』，顧名思義係食串燒，但同平時有啲唔同，原來係川式 X 日式串燒😝入面裝修嘅和風又帶啲中國風，今次安排係間房仔，座位都幾寬闊，同三五知己嚟食最岩！講到食串燒食，次次必食燒雞腎，雞腎為粒狀，鐘意夠爽爽脆脆，更有嚼勁！而燒日式雞皮幾juicy~唔會好乾身同好油~雞軟骨有串燒同炸麻辣雞軟骨揀，今次就揀咗麻辣雞軟骨，極推薦！成份麻麻少辣，配酒一流！餐廳都介紹咗呢到嘅幾款招牌： 燒特濃芝士五花肉，以2-3件五花肉上加芝士燒成，食落芝味十足，而五花肉口感嫩，唔太油膩！必食燒日本廣島蠔，上面放滿蒜蓉，蠔夠飽滿juicy~鮮味十足！川香肉碎燒茄子呢款同平時係川菜餐廳食嘅唔同，唔係將茄子一片咁整，而係一件件，係日式同川式混合，更為juicy~同口感更豐富！除串燒，仲有一份份嘅麻辣鴨血、麻辣花甲同麻辣大腸，雖然大家都麻辣但醬汁都係有啲唔同！麻辣花甲粒粒好飽滿，食落鮮甜又冇少少辣！鴨血份量都幾多，2,3個人食都夠啦~必食麻辣大腸，份量好足，每件大腸都沾滿麻辣汁~好入味！推薦！講到最有驚喜係呢個秘製醬燒bb豬肋骨，醬汁甜甜地而bb豬肋骨嫩又滑，雖然叫bb豬肋骨但都幾多肉！飲品