影片
更多
2021-05-08
439 瀏覽
今年母親節飯想試吓啲唔同嘅嘢，所以揀咗黃大仙中心南館呢一間十二味食川菜。因為疫情關係，我哋屋企人多，冇辦法出街一齊同枱食飯，所以就嗌外賣。因為都打算叫十幾個餸，所以星期一就打電話落嚟問下外賣嘅情況，職員話最好早一兩日叫定。於是星期五放工六點就打電話諗住叫外賣啦，點知就俾個鄉音女職員拒絕咗，話唔可以預早叫定，叫我聽日先再打電話嚟，嗰下有少少嬲，因為態度差，而且講過唔算數。🙃結果今日下晝我用OpenRice個System去買外賣，過程順利👍🏻 Order 6:30準時有得拎外賣。我地嗌左12個餸，見一共有14個盒&碗，職員分左4袋裝住、綁好晒，望落都好企理咁。因為疫情我唔想喺街度打開啲盒逐個逐個check，所以就咁拎咗返屋企。返到去打開晒先發現漏單，個水煮牛肉冇咗😣，而且個鴨血入邊本來加咗寬粉，結果都係冇嘅😣。真係失望。因為竟然可以成個餸冇咗，同埋特登加錢就係想食寬粉但係都冇。咁我點解要加錢？食物方面，味道大至上都ok。酸菜魚冇骨唔腥算合格，不過酸菜味可以重返少少就更好。另外武隆尖椒雞同霸王辣子雞都切到勁細，碎濕濕咁，而且有唔少碎骨，要好小心食，否則會好容易整親受傷。總結：食物質素一般、算
因為都打算叫十幾個餸，所以星期一就打電話落嚟問下外賣嘅情況，職員話最好早一兩日叫定。於是星期五放工六點就打電話諗住叫外賣啦，點知就俾個鄉音女職員拒絕咗，話唔可以預早叫定，叫我聽日先再打電話嚟，嗰下有少少嬲，因為態度差，而且講過唔算數。🙃
結果今日下晝我用OpenRice個System去買外賣，過程順利👍🏻 Order 6:30準時有得拎外賣。
我地嗌左12個餸，見一共有14個盒&碗，職員分左4袋裝住、綁好晒，望落都好企理咁。因為疫情我唔想喺街度打開啲盒逐個逐個check，所以就咁拎咗返屋企。返到去打開晒先發現漏單，個水煮牛肉冇咗😣，而且個鴨血入邊本來加咗寬粉，結果都係冇嘅😣。真係失望。因為竟然可以成個餸冇咗，同埋特登加錢就係想食寬粉但係都冇。咁我點解要加錢？
食物方面，味道大至上都ok。酸菜魚冇骨唔腥算合格，不過酸菜味可以重返少少就更好。另外武隆尖椒雞同霸王辣子雞都切到勁細，碎濕濕咁，而且有唔少碎骨，要好小心食，否則會好容易整親受傷。
總結：食物質素一般、算係可以接受，但職員態度差、講過唔算數，再加埋嚴重漏單，所以我今次要俾個負評了。👎🏻
小建議：其實而家好多餐廳都會喺外賣盒出邊寫低個餸名，就好清楚知道嗰盒係咩嚟，可以減低出錯機會。希望十二味會退返錢俾我，並且以後會有改善啦。
張貼