彩薈軒 (iSQUARE國際廣場)

營業中

休息中

我地6 個人叫左10碟點心、5個小食、蜜汁叉燒蝦腰炒飯，埋單都系168/人，好抵食。食物選擇非常之多，懷舊小食鹵水豬仔腳好少地方有，同事見到即點，煮得超級入味，肉質爽脆Q彈。另外比較特別嘅系石鍋煎腸粉，石鍋飯就見得多，石鍋腸粉都系第一次見，先用XO醬煎腸粉，再放入石鍋，保持溫度，腸粉表皮有少許脆。黑松露鳳眼餃都系比較少見嘅點心，煙韌嘅粉皮包住彈牙嘅蝦肉，落咗少少黑松露提升鮮味，望落去真系好似一隻鳳眼咁樣。另外我比較鐘意嘅系脆脆龍魷須同埋杞子雪耳小籠包。脆脆龍魷須非常香口，落咗粉漿炸，龍魷須有嚼勁。杞子雪耳小籠包唔太食到杞子雪耳，小籠包一咬就爆湯，食嘅時候要好小心，喺酒樓黎講算係好好食。