hoo韓國包車

營業中

休息中

想體驗一下韓國布帳馬車文化，一定要嚟尖沙咀依間hoo韓國包車🇰🇷。店內嘅環境好有feel，霓虹嘅燈光⚡️，再加上一啲韓國嘅街邊鐵閘佈置，好似真係去咗一轉韓國地攤咁。卜卜脆炒豬軟骨拼拳頭飯 $142豬軟骨同椰菜都好爽脆，食落索索聲好好咬口💥，加埋韓式辣醬一齊炒就更香辣更惹味。飯團嘅紫菜同芝麻味好香，配埋豬軟骨一齊食有少少解辣嘅作用🌶。薯仔煎餅 $82用薯仔絲整嘅薄餅，煎到金黃色，有少少焦香嘅味道🥔，再配埋韓國煎餅嘅醬汁微酸嘅可以油膩。一雞兩味（蜜糖牛油拼黑松露蛋黃醬）$228炸雞揀左蜜糖同黑松露兩隻味，炸皮唔厚。蜜糖味食落甜度啱啱好，仲有少少食到開胃左添🍯。黑松露方面，見到滿滿嘅黑松露醬，松露味好香濃，但又唔會搶到雞肉嘅味。兩個味嘅配搭落炸雞都好均勻，雞肉都好鮮嫩又多汁💧。柚子牛奶樂 $68係柚子牛奶米酒，一杯純白嘅cocktail裏面有啲一點點黃色嘅係柚子🍊。飲落酒味唔重，好滑好順口嘅米酒味，另外再加上少少柚子嘅香氣，幾清新🍶。