影片
更多
2020-11-28
28 瀏覽
作為MK子的我，今日約咗朋友泥食成都辣串串，裝修樸實但好有成都風味。$128自選15串，共30串，每款兩串，價錢確實夠晒抵。由於個人比較食得辣，所以夠膽挑戰中辣，一睇就知正，又香又辣，成盤辣油咁樣，食落去啲串串浸晒啲辣油嘅香味真係好鬼正，而且佢唔係剩係得辣，加埋啲香料，感覺真材實料。咁除咗串串之外，另外都叫咗啲風味小食（任食）。棒棒雞：細細碟咁食落去幾過癮，少少胡麻醬喺面，真係名副其實咁棒。香辣蓮藕片；依個酸酸辣辣，而且帶點香味，的確係一個唔錯嘅小食，過下口癮都幾爽。食完前菜主角終於嚟啦，食咗超多野唔記得咗自己食過咩，總之就好好食啦，其實啲食材本身都已經唔錯好新鮮，不過有幾款比較特別我都推介一下。成都小香腸有少少似臘腸不過細條好多，但係幾過癮，又冇臘腸咁甜。花枝丸其實所有丸類都好彈牙好過癮，再soak 埋啲汁簡直係人間美味。雞腎佢個雞腎除咗幾日味之外，而且口感仲好爽，食材質素本身已很好，再加埋個成都辣汁簡直將味道昇華。泡椒肥牛我想講依個係地獄級嘅辣，當初我朋友仲同我講剩係得酸味，令我掉以輕心，一咬落去成口辣椒核，即刻要飲返10罐啤酒都唔掂，食得辣嘅你不妨挑戰下。食辣野當然要啤啤佢，兩條
作為MK子的我，今日約咗朋友泥食成都辣串串，裝修樸實但好有成都風味。$128自選15串，共30串，每款兩串，價錢確實夠晒抵。
由於個人比較食得辣，所以夠膽挑戰中辣，一睇就知正，又香又辣，成盤辣油咁樣，食落去啲串串浸晒啲辣油嘅香味真係好鬼正，而且佢唔係剩係得辣，加埋啲香料，感覺真材實料。
咁除咗串串之外，另外都叫咗啲風味小食（任食）。棒棒雞：細細碟咁食落去幾過癮，少少胡麻醬喺面，真係名副其實咁棒。香辣蓮藕片；依個酸酸辣辣，而且帶點香味，的確係一個唔錯嘅小食，過下口癮都幾爽。
食完前菜主角終於嚟啦，食咗超多野唔記得咗自己食過咩，總之就好好食啦，其實啲食材本身都已經唔錯好新鮮，不過有幾款比較特別我都推介一下。
成都小香腸
有少少似臘腸不過細條好多，但係幾過癮，又冇臘腸咁甜。
花枝丸
其實所有丸類都好彈牙好過癮，再soak 埋啲汁簡直係人間美味。
雞腎
佢個雞腎除咗幾日味之外，而且口感仲好爽，食材質素本身已很好，再加埋個成都辣汁簡直將味道昇華。
泡椒肥牛
我想講依個係地獄級嘅辣，當初我朋友仲同我講剩係得酸味，令我掉以輕心，一咬落去成口辣椒核，即刻要飲返10罐啤酒都唔掂，食得辣嘅你不妨挑戰下。
食辣野當然要啤啤佢，兩條麻甩佬慢慢吹水不知幾過癮。
招牌牛肉辣麵同埋蕃茄牛肉麵，其實冇咩特別不過本身個麵底都唔錯，所以很滿意。
成都老冰粉
呢個整得幾有心思，表面加咗少少提子乾吊味，而且冰粉上面真係有冰，甜甜地凍凍地惠冰粉加添一些層次👍🏻值得推介！
張貼
