巴依餐廳

營業中

休息中

睇咗Openrice介紹呢間新疆菜館，於是我立刻同阿K去咗呢度試吓，一嚟試新嘢，二嚟係阿K鍾意食羊。內部裝修冇乜驚喜，不過洗手間大門嘅布置都有啲大漠風味。佢地將花生加上黑醋作為伴菜，幾醒胃，當堂食慾大振。我地兩個人叫咗一份羊肉餃子、烤羊排、冰鎮西蘭花同上湯芥蘭。冰鎮西蘭花配上wasabi醬汁，味道幾新鮮特別。輪到餃子，咬落去就有一股淡淡嘅羊羶味。食餃子梗有醬汁啦。我就唔知係乜，總之點咗就更好味。不過筆者略欠羊羶味，蘸太多汁會蓋過餃子嘅鮮味，再多一點羊羶味會更好。餃子皮一食就知係人手做嘅，好有口感。烤羊排據聞係大師傅親自出馬，醃料稍為多咗啲，小小蓋過羊味。芥蘭係用牛腩汁煮嘅，正!!不過這裡有一個怪現象，就係啲嘢好快就凍咗，係一大敗筆。我地兩個人食咗三百蚊，我唔會話佢平。總括嚟講可以一試，但食物唔夠熱嘅問題一定要解決。