Bistro Breton by La Creperie

營業中

休息中

遇然機會下有得試食呢間la creperie 旗下嘅法國餐廳，估唔到有意想不到嘅質素。首先食嘅喺一道魚湯。魚湯有濃密嘅鮮味，本身我仲記錯以為係一道龍蝦湯。魚湯配備咗一份芝士，將芝士倒入魚湯更令鮮味昇華。然後係一碟龍蝦意粉，一食就食得出係選用左好優質嘅意粉，龍蝦更加唔係平時香港食開嘅波士頓龍蝦，肉質更實，鮮味更勝平時龍蝦，龍蝦用香料醃過，味道層次相當豐富。最impressive嘅係佢意粉嘅醬汁係好濃郁好新鮮嘅嘅龍蝦味道，令我醒起有聽過法國菜係唔會浪費食材嘅任何部分，想必意粉醬汁係用烹調龍蝦時留下嘅精華製成，食得出所有食材都非常新鮮，非常有心機。最後係甜品，橙味嘅crepe。la creperie本身就係香港crepe嘅market leader。crepe當然唔會令人失望。 餐廳環境優雅，服務良好，整個用餐體驗同食物質素就好似當年係法國旅行嘅體驗咁。呢間法國bistro絕對會令人有驚喜。