影片
更多
2020-12-25
3420 瀏覽
見倒好多Like 所以試下，位置喺Hermes 對面一個好細嘅入囗，嘅制好似櫃員機咁🤔，按完樓層要按enter , 真攪笑，上到去裝修好一般，無大落地玻璃仲有窗花，完全唔似高級法國菜，不過食完覺得自己有啲膚淺😅，因為明白食物質素同裝修係無關係。🌲平安夜夜晚禁堂食，好多餐廳主力做午市，價錢都相對調整……得貴🤑。menu 有兩個，一個有價錢，一個無價錢，waitress話無價錢係比女士睇，其實唔係太明呢個邏輯🤔，不過幾得意，令我留下印象。x mas set lunch 780, 4個course , 其實唔平，不過滿座，menu 好簡單，只有starter 同main course 係2揀1, 我地當然唔使揀，兩款要晒share.先嚟係包，有三款，唔係放低晒，係問你想要邊款然後夾俾你，幾好，唔會嘥👍，個牛油加咗啲香草同風乾蕃茄，幾用心。小食外層係紅菜頭啫喱，中間係三文魚，個碟好精緻，好配個小食，有個凹位放醋供調味，不過原味已好好味。之後係兩款starter 《第一款starter 》有四樣野，賣相超靚🥰🥰，比之前食過嘅米之蓮法菜仲靚🌟🌟， 第一樣鵝肝mousse 好濃味，好heavy
🌲平安夜夜晚禁堂食，好多餐廳主力做午市，價錢都相對調整……得貴🤑。
menu 有兩個，一個有價錢，一個無價錢，waitress話無價錢係比女士睇，其實唔係太明呢個邏輯🤔，不過幾得意，令我留下印象。x mas set lunch 780, 4個course , 其實唔平，不過滿座，menu 好簡單，只有starter 同main course 係2揀1, 我地當然唔使揀，兩款要晒share.
先嚟係包，有三款，唔係放低晒，係問你想要邊款然後夾俾你，幾好，唔會嘥👍，個牛油加咗啲香草同風乾蕃茄，幾用心。
小食外層係紅菜頭啫喱，中間係三文魚，個碟好精緻，好配個小食，有個凹位放醋供調味，不過原味已好好味。
之後係兩款starter
《第一款starter 》
有四樣野，賣相超靚🥰🥰，比之前食過嘅米之蓮法菜仲靚🌟🌟， 第一樣鵝肝mousse 好濃味，好heavy ,我地share 都覺得有啲over ，第二樣係帝皇蟹，好味好新鮮，第三樣係cream cheese, 唔會太漏，第四樣係無花果啫喱，呢個擺咗一陣就溶，温度控制得唔太好.
《第二款starter》
係加拿大海膽配蟹肉同帶子，用半個海膽殼做碟盛所有食材，下面仲有石春，好賞心悅目💕，海鮮全都新鮮😋。
《蕃茄湯》🍅
完全睇唔出係蕃茄湯，用個魚缸仔擺啲石春同食用花，再獨立用個漏斗形嘅器皿盛湯🤗，湯好淺色，真係唔似蕃茄湯，酸酸地，好正，好驚喜。旁邊仲有龍蝦濃湯。
《第一款main course》🐂
係牛，order時建議我地4成熟，我話怕生要7成，waitress 回應如果咁熟會失去原味，咁佢建議5成，如果嚟到太生食唔倒佢會幫我地煮過，服務的確細心，貼心，嚟到又唔係好生, 上面仲有好多松露，不過啲松露就唔係好香，無乜味。
main course 牛同龍蝦
66 瀏覽
0 讚好
0 留言
《第二款main course》
主菜龍蝦🦞，嘅個真係好讚，食得出係慢煮，出面好多都會overcooked, 就算龍蝦夠鮮甜都唔夠彈牙，呢度剛剛熟，真係控制得好好，旁邊仲有我第一次見同第一次食嘅箭豬菜😍，好cute.
《甜品》
pancake 雪糕，呢個好一般，因為pancake 太厚，雪糕溶得太快。
個set 跟咖啡，要咗熱Mocha , 好麻麻😅
x mas 嘅set 原來仲有馬卡龍，係聖誕老人🎅，好cute ，另有盒仔內有朱古力，可take away
今餐整體好滿意好有驚喜🥂, 食材高質🌟，服務貼心💕
張貼
