呢間bookmark咗好一段時間，
但因為相對輕食之餘，又無得坐低食，所以一直都未試。呢日去開元朗，又想輕食少少終於試咗！！
位置喺順豐大廈下面巷仔位置，好彩見到地圖唔似喺大街，所以無行冤枉路😂
叫咗兩款試吓，職員話等大約15-20分鐘，因為壓餅會耐少少
#傳統刈包加柚子醬 $45
有五花滷肉、酸菜、花生碎、莞茜及柚子醬。
一打開勁多芫荽😂👍👍 #芫荽關注組 會員表示滿意😂😂
個包好鬆軟，食得出有酸菜、蒜蓉、同花生，
但柚子醬喺底唔太明顯，味道可以，特別個包好食，但份量有啲細😂
#抹茶忌廉芝士壓餅 $37
呢個我食完有被驚艷到🙉
佢個抹茶cream cheese超～級濃郁，
咬落直頭爆漿爆出嚟，好好食👍
而且個餅底都做得唔錯，少少脆面，少少煙靭👍
其實我見米芝蓮推介係刈包，但我覺得佢個壓餅好食啲😂
呢間小店 連續三年 拎咗 #米芝蓮必比登推介，
而家門市要結束，難道又敵唔過米豬蓮詛咒？！🥲
1
